Show Money for Visa Application

Oh yes, yan ang pinakamadalas itanong ng mga taong nais magtravel.   Ang bank account ay madalas isa sa mga Visa Application Requirements.  Magkano nga ba?

Pero ang gusto ko muna i-stress sa mga readers ay:  Save before you travel.

Yes - ipon muna bago travel -- at HINDI utang muna bago travel.  Mas masarap sa pakiramdam ang nagttravel ka at pagbalik mo wala kang utang na iniisip.  Mas masarap sa pakiramdam na nagtatravel ka at walang pumupigil sa'yo na magpost ng pictures kung saan saan dahil walang nagiisip na inutang mo ang pinagtravel mo.  Tama? Tama!

Never ko ippromote ang utang muna bago travel - or manghiram ng pera pang show money para makapagtravel.  Hindi ako mayaman o malaki sweldo para magmalaki - but because mas proud ako na nagttravel na pinaghihirapan ko bawat proseso na pinagdadaanan ko na walang financial na tulong ng iba dahil pinagiipunan ko ang layasan.

Anyway - back to the question. Magkano nga ba?

Kelan ka nag open ng Bank Account?

Oh yes, importante yan.  Kelangan mejo may katagalan na ang account mo at may mga activity sa account.  By activity, I mean regular deposits and withdrawals.  Or kahit madalas na deposit lang OK na,  Basta may regular activity.  

pag ang account ay mga 6 mos lang tapos isang malaking halaga agad ang binuhos tapos wala na ibang activity - obvious na yan na for show lang.  Pero if matagal na ang account mo tapos panay ang hulog mo ng pera - at hindi 1 time big time na malaking amount - aba good yan.

Hindi rin maganda ang matagal na nga ang account mo pero mga 1 week or 2 weeks bago ka nag apply o kumuha ng bank statement, may bultong malaking halaga ang hinulog mo.  Obvious - for show.  Malamang makikita yan ng consul at byebye ka na sa pangarap mong VISA.

Para sa akin, safe na ang 1 year na account with regular activity.  Again, regular activity.

Different countries have different cost of living.

Isa sa dapat mo isipin ay ang cost of living ng bansang pupuntahan mo.  Magkano kaya ang average na gagastusin sa isang araw pag nasa bansang gusto mo puntahan?  Pag sinabi mong "sa loob ng isang araw" ibig sabihin, food, transpo at bahay.  Wag mo muna i-consider ang tours mo.  Pagusapan muna ang basic.

Magkaiba ang presyuhan ng mga goods at services sa mga bansa -- ang food sa Vietnam at iba ang presyuhan sa food sa Japan.  Maaaring ang isang pack ng noodles ay equivalent sa Php 50 sa Vietnam, pero sa Japan ay equivalent ito sa $100.  Ang tuktuk sa Cambodia ay pwedeng $20 ang special trip pero ang tren sa Japan maaaring $10 kada sakay at kelangan mo sumakay ng mga 3 beses para mapuntahan ang destination mo.  Magkaiba.  Yan ang una mo dapat alamin pag pupunta ka sa ibang bansa bilang turista, yan ang isipin mo pag nagapply ng VISA.

Isa pang dapat mo siguro iconsider ay kung anong klaseng traveller ka ba - after luxury? budget? mejo mixed?  Pwede ka na ba sa mga dorm or hostel? Kakain ka ba sa fastfood or street food? pwede ka na ba sa tinapay lang? Mga maliliit na bagay lang yan pero it will affect so much sa gastos.

Research and Convert Prices to PHP.

Malamang bago ka umalis, either nagreresearch ka na kung magkano ang mga entrance fees sa mga tourist spots, mga tour packages na inooffer sa bansang pupuntahan mo.  Madaming website ang mapgkukunan mo ng info dito - like tripAdvisor or Trip.com.  Pwede rin sa mga hotel bookings sa Booking,com or mga expereinces sa Klook.

Bago umalis kelangan talaga mag reserach muna at mahalagang hanapin ang option to convert the prices to PHP or Philippine Peso.  Kung walang PHP option, select mo ang USD at iconvert sa PHP.  Bakit?

Converting prices of these things sa peso allows you to create a budget. Alam mo na agad magkano ang itatabi mo para sa trip or magkano iipunin mo.  For sure naman hindi lang 1 day ang mga travel mo, so consider mo ang presyuhan ng lahat ng possible tourist spots na pupuntahan mo sa duration ng stay mo at alamin if may entrance fee, at mga transpo cost - lahat yun i convert mo sa peso.

Maglaan ng allowance at maglaan ng pampasalubong.

Ugaling pinoy.  Pasalubong. Oh yes, factor that in.  Pati shopping at mga unexpected expenses.  Malay mo makakabasag ka ng plato sa hotel or something.  Di mo naman pinapanalangin but you will never know mga incidental expenses.  Kelangan kasama sa budget consideration mo yan.  Be it a fixed peso amount depende sa kaya mo.

This is it.

Itotal mo lahat ng possible expenses mo in the number of days na istay mo sa bansang pupuntahan mo.  Food, transpo, hotel, pasalubong, shopping, incidental expenses.  Then divide mo ito sa number of days na magsstay ka sa bansa.  Magkano ang amount?  Aabot ba ng Php 5,000?

Minsan hindi umaabot ng Php 5,000.  Minsan naman sobra konti.  

So - safe na ba ang Php 5,000 per day spent sa bansang pupuntahan mo para ma approve ang VISA?

Sorry, maybe not.

Sabihin nating - safe amount ang Php 5,000 per day for the actual expenses mo - but for VISA application, idoble mo siya.  Make it Php 10,000 per day.

Ang laki naman.

Di naman masyado.  Kung ako si consul, di ko rin naman iaapprove ang taong sakto lang ang pera sa banko para sa pang araw araw na gastos.  Kelangan mejo safe na makakabalik siya sa bansang pinangakingan niya.

To be honest, wala naman nakaka alam talaga magkano ang tinitingnan nilang amount sa banko para ma approve ka ng VISA.  Ang importante is - proportional ang laman ng banko mo sa number of days na iistay mo sa bansa nila.

Example.  Laman ng banko ko is Php 50,000.00 pero 3 days lang ako sa Japan kunyari.  So, 50K is more than enough for 3 days.  Pero, if 50K lang laman ng banko ko pero 1 month ako sa Japan - di naman kapanipaniwala na kakasya ang 50K sa 1 month.  Sa Pilipinas pwede pa pero tandaan mo - sa Japan ito (or any other country).  Iisipin ni consul - saan ka kukuha ng pera para mabuhay ka ng 1 month?

Make sense?

Personally, Php 10K per day worked for me sa mga naging VISA application ko.  may konting extra pa.  Malaking halaga, oo, pero uubusin mo ba yan lahat sa tour?  Hindi naman siguro.  Personally, hindi ko inuubos yung 10K per day - dahil madalas, 5K lang or less ang gastos sa isang araw.  Ang matitipid mo - pang maintain ng bank account mo at pang show money ulet sa next destination.

Malaking halaga rin naman ang 10K na issave mo per day ng travel mo.  Pero this brings me back to my first point - kelangan pagipunan ang bawat travel.  If gusto mo mag Korea (dahil yan ang uso ngayon), 1 year bago mo plano puntahan pagipunan mo na.  Hindi ora-orada, hindi nangungutang.  Hindi lahat ng nakakapag ibang bansa para magtravel ay mayaman.  Ang ilan ay masinop lang at matiyaga na nagiipon ng pera.